2014 jylǵy 28 qarasha, Astana qalasy
«Qazaqstan Respýblıkasynyń shetelderdegi mekemeleriniń Qazaqstan Respýblıkasynyń azamattyǵy máselelerine qatysty qujattardy resimdeýi jónindegi Nusqaýlyǵyn bekitý týraly» Qazaqstan Respýblıkasy Memlekettik hatshysy - Syrtqy ister Mınıstriniń 2011 jylǵy 19 qańtardaǵy № 08-1-1-1/13 buıryǵyna ózgerister engizý týraly
buıyramyn:
1. «Qazaqstan Respýblıkasynyń shetelderdegi mekemeleriniń Qazaqstan Respýblıkasynyń azamattyǵy máselelerine qatysty qujattardy resimdeýi jónindegi nusqaýlyǵyn bekitý týraly» Qazaqstan Respýblıkasy Memlekettik hatshysy – Syrtqy ister Mınıstriniń 2011 jylǵy 19 qańtardaǵy № 08-1-1-1/13 buıryǵyna (normatıvtik quqyqtyq aktilerdiń memlekettik tiziminde № 6783 bolyp tirkelgen, 2011 jyly 28 qyrkúıekte Qazaqstan Respýblıkasy ortalyq atqarýshy jáne basqa da memlekettik organdary aktileriniń jınaǵynda jarııalanǵan) kelesi ózgerister engizilsin:
atalǵan buıryqpen bekitilgen Qazaqstan Respýblıkasynyń shetelderdegi mekemeleriniń Qazaqstan Respýblıkasynyń azamattyǵy máselelerine qatysty qujattardy resimdeýi jónindegi nusqaýlyǵynda:
3 jáne 4-tarmaqtar mynadaı redaksııada jazylsyn:
«3. Qazaqstan Respýblıkasynyń shetelderdegi mekemeleri (budan ári – shetelderdegi mekemeler):
Qazaqstan Respýblıkasynan tys jerlerde turaqty turatyn adamdardan Qazaqstan Respýblıkasynyń azamattyǵy máseleleri boıynsha ótinishter qabyldaıdy;
Shetelderdegi mekemeler resimdelgen materıaldardy óziniń qorytyndylarymen birge Syrtqy ister mınıstrligine joldaıdy, Syrtqy ister mınıstrligi Ulttyq qaýipsizdik komıtetimen keliskennen jáne óz qorytyndysyn jasaǵannan keıin Qazaqstan Respýblıkasy Prezıdentiniń janyndaǵy Azamattyq máseleler jónindegi komıssııasynyń (budan ári – Komıssııa) jumys organyna usynady;
Qazaqstan Respýblıkasynan tys jerlerde turaqty turatyn adamdardyń Qazaqstan Respýblıkasynyń azamattyǵyn joǵaltqandyǵyn tirkeıdi;
Qazaqstan Respýblıkasynan tys jerlerde turaqty turatyn Qazaqstan Respýblıkasy azamattarynyń esebin júrgizedi;
Qazaqstan Respýblıkasy aýmaǵynan tys jerde turaqty turatyn adamdardyń Qazaqstan Respýblıkasynyń azamattyǵyna tıesiligin aıqyndaıdy.
4. Azamattyqty ózgertý máselelerine baılanysty ótinishter mindetti túrde tirkelýi jáne qaralýy tıis.
Qoldaýhatty berýshi adamdar qujattardy usyný tártibin saqtamaǵan jaǵdaıda, Qazaqstan Respýblıkasy Syrtqy ister mınıstrligi jáne shetelderdegi mekemeler ótinish berýshige habarlaı otyryp, kemshilikterdi joıǵanǵa deıin materıaldardy resimdeýdi toqtata turady.»;
21-tarmaq mynadaı redaksııada jazylsyn:
«21. Shetelderdegi mekemeler:
halyqaralyq sharttarda kózdelgen jaǵdaılardy qospaǵanda, eger Qazaqstan azamatyna qatysty onyń basqa memlekettiń áskerı qyzmetine, qaýipsizdik qyzmetine, polısııasyna, ádilet organdaryna, ózge de memlekettik organdaryna qyzmetke kirgenin rastaıtyn qujattar ne basqa anyq málimetter bolsa;
eger azamattyqty kórineý jalǵan málimetter nemese jalǵan qujattar tabys etý nátıjesinde alynǵany anyqtalǵan bolsa;
eger adam basqa memlekettiń azamattyǵyn alǵan bolsa;
eger adamnyń Qazaqstan Respýblıkasynyń azamattyǵyn alýy úshin negiz bolǵan Qazaqstan Respýblıkasynyń azamatymen nekeni sot jaramsyz dep tanysa, Qazaqstan Respýblıkasynyń azamattyǵynan aıyrýdy tirkeıdi.».
2. Konsýldyq qyzmet departamenti osy buıryqty zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkeýdi jáne onyń resmı jarııalanýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr E.YDYRYSOV.
Buıryq Qazaqstan Respýblıkasynyń Ádilet mınıstrliginde 2014 jylǵy 31 jeltoqsanda Normatıvtik quqyqtyq kesimderdi memlekettik tirkeýdiń tizilimine №10053 bolyp engizildi.